ឯកសារដែលលុបបាត់ហើយ ក៏អាចទាញមកវិញបានតាមរយៈកម្មវិធី Recuva
រាល់ឯកសារនៃកិច្ចការនានា ទាំងអស់ ដែលស្ថិតនៅក្នុងកុំព្យូទ័រ គឺពិតជាមានសារៈសំខាន់ណាស់សម្រាប់លោកអ្នក ប្រសិនបើឯកសារមួយចំនួនត្រូវបានបាត់ក្នុងករណីណាមួយនោះ លោកអ្នកប្រាកដជាត្រូវប្រឈមមុខនឹងបញ្ហធំជាមិនខាន ។ឯកសារខ្លះអាច ត្រូវបានលុបហើយចូលទៅក្នុង Recycle Bin តែឯកសារមួយចំនួន គឺមិននៅក្នុងទីតាំងនេះទេ ដូចច្នេះ ដើម្បីដោះស្រាយនូវរាល់បញ្ហានេះបាន លោកអ្នកអាចប្រើប្រាស់នូវកម្មវិធីជួយក្នុងការទាញយកឯកសារ ដែលបានបាត់បង់នោះមក វិញបាន ។
Recuva គឺជាកម្មវិធីមួយដែល ប្រើប្រាស់សម្រាប់ស្វែងរកមើល និង ទាញយកឯកសារដែលបានបាត់បង់ ដោយសារការលុប (Shift + Delete) ឬ format ។ កម្មវិធីនេះអាច Scan រកឃើញ file ដូចជា file រូបភាពដែលបានបាត់ដោយការ format digital camera photos ប្រភេទ file ចម្រៀង និង វីដេអូ file របស់កម្មវិធី office (Word, Excel, PowerPoint ។ ល ។) compressed file email (Outlook Express, Windows Mail, Suntherbird ។ ល ។) និង ប្រភេទ file ដទៃជាច្រើនទៀត ។
វិធីប្រើប្រាស់
• បន្ទាប់ពីលោកអ្នកបានបើកកម្មវិធីរួចមក នៅពេលដែលផ្ទាំង Welcome to the Recuva Wizard លេចចេញមកសូមចុច Next ។ នៅក្នុងផ្ទាំង File Type សូមជ្រើសរើសប្រភេទនៃការស្វែងរកទៅតាម file ដែលបានបាត់បង់
Pictures: ស្វែងរកគ្រប់ប្រភេទ file របស់រូបភាព
Music: ស្វែងរកគ្រប់ប្រភេទ file របស់សំឡេង (audio, Mp3…)
Documents: ស្វែងរកគ្រប់ប្រភេទ file របស់កម្មវិធី office
Video: ស្វែងរកគ្រប់ប្រភេទ file របស់វីដេអូ
Emails: ស្វែងរកគ្រប់ប្រភេទ file របស់ Email ក្នុងកម្មវិធីដូចជា Outlook Express, Windows Mail, Suntherbird
Other: ស្វែងរកគ្រប់ប្រភេទ file
• បន្ទាប់មកជ្រើសរើសទីតាំងដែលលោកអ្នកចង់ស្វែងរក file ឬទីតាំងដែលបាត់ file ទាំងនោះ
I’ m not sure: Scan រកគ្រប់ទីកន្លែងនៅក្នុងកុំព្យូទ័រ
On my media card or iPod: Scan នៅលើ removable device (except CDs និង floppies) ឬ media device តួយ៉ាង iPod ជាដើម
In My Documents: Scan រកនៅក្នុង My Documents folder របស់ Winodws
In the Recycle Bin: Scan រក file ដែលបានលុបចេញពី Recycle Bin
In a specific location: Scan រកទៅតាមទីតាំងផ្សេងៗដែលលោកអ្នកកំណត់
• បន្ទាប់ពីជ្រើសរើសទីតាំង Scan រួចមកនៅក្នុងចំណុច Thank you, Recuva is now ready search for your files ប្រសិនបើលោកអ្នកជ្រើសយក Enable Deep Scan នោះវានឹង scan ចំណាយពេលយូរចំពោះ drive ដែលមានទំហំធំ តែមានប្រសិទ្ធភាពខ្ពស់ក្នុងការស្វែងរក
• នៅពេលវាដំណើរការ Scan ចប់តែលទ្ធគឺមិនបានដូចអ្វីដែលលោកអ្នកចង់បាននោះ សូមចុចនៅត្រង់ Switch to advance mode ដើម្បីធ្វើប្ដូរទៅការ advance mode ដែលលោកអ្នកអាចកំណត់ការ Scan របស់វាឱ្យកាន់តែមានប្រសិទ្ធភាពជាងមុន
• បន្ទាប់មកចុចនៅត្រង់ប៊ូតុង Scan ដំណើរការ Scan លម្អិតម្ដងទៀត
• បន្ទាប់ពី Scan ចប់លោកអ្នកនឹងឃើញមាន file ដែលរកឃើញច្រើនជាងមុន
• ដើម្បី Save រាល់ file ដែលរកឃើញសូមចុចនៅត្រង់ Recover នៅខាងស្ដាំនៃផ្នែកខាងក្រោមរបស់កម្មវិធីនេះ ហើយជ្រើសរើសទីតាំងសម្រាប់រក្សាទុក file ទាំងនោះ ។
* ដកស្រង់ចេញពីទស្សនាវដ្ដីអាន ច្បាប់ទី ២៩ ប្រចាំខែសីហា ឆ្នាំ២០១១
0 comments:
Post a Comment